دغه پوځي عمليات د نورستان ولايت په دوآب ولسوالۍ کې شوي دي .

د امنيتي چارواکو پروينا دغه پوځي عمليات د افغانستان د ختيځ نورستان ولايت په دوآب ولسوالۍ کې کې په لاره اچول شوي چې په دې وروستيو کې په افغانستان کې تر ټولو لوى پوځي عمليات بلل شوي دي .

عيني شاهدان او امنيتي چارواکي وايي چې دغه عمليات له تېرې شپې راهيسې پيل او تر اوسه دوام لري .

د امريکا په مشرۍ ايتلافي ځواکونه وايي چې له دې وړاندې هم له وسله والو کسانو سره په نښته کې يو لړ سپکې او درنې وسلې د امنيتي ځواکونو لاسته ورغلې دي .

په دې نښتو کې ولسي وگړو ته د مرگ ژوبلې بېلابېل راپورونه خپاره شوي دي .

خو د ايتلاف ځواکونو بيا خپلو پوځيانو ته د هر ډول مرگ ژوبلې خبره رد کړې ده او افغان چارواکو هم په دې اړه څه نه دي ويلي .

د نورستان د ولايت شورى مشر رحمت الله راشدي ويلي چې ددې علمياتو په لړ کې د شلو په شاوخوا کې کسان وژل شوي او له ٣٠ تر ٤٠ کسانو نور ټپيان شوي دي .

د ښاغلي راشدي پروينا، په وژل شويو کسانو کې د وسله والو کسانو سربېره ځينې ولسي وگړي هم ول .

د طالبانو يو تن وياند بيا ادعا کړې چې په دې نښتو کې ټول وژل شوي کسان ولسي وگړي دي، او په نيول شوو کسانو کې هم ډېرى کسان ولسي وگړي دي .

د وياند په وينا په دې عملياتو کې ايتلافي ځواکونو ته هم د سر او مال زيان اوښتى دى .
وياند وايي چې وسله والو کسانو د ايتلافي ځواکونو څلور هليکوپټرونه له منځه وړي دي .

خو د طالبانو دا ادعا بيا د ايتلافي ځواکونو له خوا نه ده تاييد شوې .