طاهر خان له اسلام اباد څخه

	په قبايلي سيمو کې پاکستاني عسکرو ته په دې وروستيو کې ډير تاوان اوښتى دى

د پوځ وياند تورن جنرال وحيد ارشد تازه جگړو کې د ٢٠ عسکرو د وژل کيدو خبره هم وکړه .

د پاکستاني طالبانو يوۀ وياند احمدالله احمدي له قوله ويل شوي دي چې جگړو کې يې هيڅ ځاني زيان نه دى شوى او دا چې د پوځ له خوا هوايي او مځکني بريدونو کې عام خلک وژل شوي دى .

د پوځ د وياند د وينا ترمخه تازه جگړې د يکشنبې په ورځ سهار هغه وخت پيل شوې چې د شمالي وزيرستان ميرعلى ښارګوټى څخه ١٠ کلوميتره جنوب ته د عسکرو په قافلو د وسله والو کسانو لخوا بريد وشو.

ځايي قبايل وايي چې جگړې د شمالي وزيرستان په خېسور ، جېلر او ايسوخېل پل سيمو کې شوي دي .

هغوي زياتوى چې جگړه جېلر سيمه کې هغه وخت پيل شوه چې پوځيانو دغه ځايې څخه د خپلې يوېپوستې له ختمولو وروسته واپس روان وو چې د يو ګاډي د خرابۍ له امله هغه ځايې کې پاتې شول چې خلکو پرې حمله وکړه .

ځائي خلکو او ژورناليستانو وويل چې پوځ بريدونو کې جنګي الوتکې هم استعمال کړې چې اکثره ګولۍ د عامو خلکو په کورونو پريوتې .

د پوځ وياند جگړو کې د څرخي چورلکو د استعمال تاييد وکړ او زياته يې کړه چې پوځ د کورونو په شمول هر هغه ځايې جايز هدف ګڼي چې ورڅخه په عسکرو ډزې وشي .

بل خوا مقامي چارواکو ميرعلي کې يوه قبايلي جرګه رابللې ده چې د دواړو غاړو ترمېنځه اوربند وکړي .
يو ځايي قبايلي ملک د ټيليفون له لارې بي بي سي ته وويل چې د ٢ ديني عالمانو مولانا ديندار او محمد عالم خان لخوا د لوډسپيکرو دلارو خلقو ته اعلانونه وشول چې سپينو بېرغونو سره جرگه کې گډون وکړي.

ځايي خلک وايى چې د جگړو له امله له ډيرو ستونزو سره مخامخ شوي دي او سيمه کې اکثره سړکونه تړلې شوي دي .

سيمې څخه د ترلاسه شوو معلوماتو ترمخه پوځ ميرعلي او شاوخوا سيمو کې بغير
د اعلان په ګرځيدو بنديز لګولى دى.