نعمت الله کرياب له کونړ څخه

	په دې وروستيو کې د نورستان ولايت د گڼو پېښو شاهد دى چې ناټو ته پکې د سر تاوان اوښتى دى

د ناټو له خوا په خپره شوې يوه خبر پاڼه کې راغلي چې په دغۀ بريد کې د دى ١١ سرتيري ټپيان شوي دي او دوه افغان پوځيان پکې وژل شوي دي .

ناټو دا نه وايي چې ټپي شوي سرتيري يې د کوم هيواد استوگن دي خو په نورستان کې تر ډيره ځايه د متحدو ايالاتو سرتيري ځاى پر ځاى دي .

ځايي چارواکي وايي چې بريد د وانت ويگل په ولسوالۍ کې ناڅاپي شوى دى . داسې گنگوسې هم دي چې گواکې وسله وال طالبان د افغان سرتيرو په جامه کې پوځي مرکز ته ننوتي او مخامخ جگړه يې کړې ده .

رپوټونه په دې نښته کې د توغنديو او سپکو وسلو د کاريدنې خبر ورکوي . د طالبانو يوۀ وياند زبيح الله مجاهد دعوه کړې چې په دغه نښته کې اووه سرتيري وژل شوي او ١٣ نور ټپيان شوي دي .

نورستان په دې وروستيو وختونو کې د سختو بريدونو شاهد دى . دوه اوونۍ وړاندې هم دغلته په يوۀ ورته بريد کې د ناټو ١٣ سرتيري ټپيان شوي و .

په دې وروستيو کې د افغان پوځ او پوليسو په ملگريتا ناټو د يوۀ پوځي مرکد د جوړولو خبر هم ورکړى و چې د دوى په وينا به يې د امنيت په ټينگولو کې مرسته کوله .