دا دويم ځل دى چې د خوست والي له ځانمرگي بريده روغ رمټ پاتې کيږي

د خوست والي له دغۀ بريده روغ رمټ پاتې شوى خو درې ساتونکي يې ټپيان شوي دي .

د خوست د يوۀ روغتون چارواکو بي بي سي ته وويل چې تر اوسه يو مړى او ٧ کسه ټپيان ور رسول شوي دي .

دا لا معلومه نه ده چې نور ټپيان هم نورو روغتونونو ته رسول شوي که نه .

دا په تيرو څو مياشتو کې دويم ځانمرگى بريد دى چې د خوست والي ارسلا جمال په نښه کوي .

تير ځل ښاغلي جمال هغه وخت په نښه شو چې په خوست کې يې د يوۀ روغتون د بيا رغاونې چارې څارلې .

په هغه پېښه کې لږ تر لږه اووه کسان وژل شوي و . د خوست ولايت د ډيورنډ په کرښه پروت دى او په تيرو څو مياشتو کې په پرتلييزه توگه ارام و .

لومړى بريد