ايين ميکويلييم له لندن څخه

	په کابل کې جرگه پاى ته ورسيده خو ځينې خبرې داسې شته چې ښايي اغيز يې کم کړي

کله چې په پيل کې پاکستاني ولسمشر پرويز مشرف په جرگه کې گډون ونه کړ نو ورسره د دغې جرگې محدوديتونه هم ښکاره شول .

خپله طالبان او د پاکستان په خاوره کې د وزيرستان کليدي قبايلي مشران هم په جرگه کې نه و .

د ترهگرۍ د ختمولو لپاره د شوې ژمنې هرکلى به ډير وکړي خو قد کوونکي به پرې وايي چې دغه ډول ژمنو په تيرو وختونو کې کوم توپير نه دى راوستى .

شننونکي د طالبانو د بغاوت د دوام بنسټيز دلايل دا گڼي چې دغه سخت دريځي اورپکي په وزيرستان او د پاکستان په نورو پښتون مېشتو سيمو کې پناه ځاى مومي .

له دې سربيره دوى په افغانستان کې د مخدره توکو له غوړيدلي بازار او قاچاق څخه او په خليج او نورو سيمو کې د دوى د لارښودانو په مټ پيسې مومي .

له دې سره دوى له القاعدې او نورو نړيوالو جهادي شبکو څخه هم ستراتيژيک ملاتړ ترلاسه کوي .

ډير کارپوهان وايي د پاکستان په پوځ کې ځينې عناصر غواړي چې په پټه د طالبانو ملاتړ وکړي ځکه چې دا کار اسلام اباد ته ښه وسيله په لاس ورکوي چې پر سرحدي سيمو خپل اغيز وساتي او که اړتيا وه نو پر کابل يې د فشار اچولو لپاره وکاروي .

داسې تمه نشته چې جرگه دې همدا فکتورونه بدل کړاى شي .