په وزيرستان کې د پاکستان پوځ له خوا د عملياتو تر پيل وروسته د پوځ پر ضد هلې ځلې گړندۍ شوې دي

پوځ وايي دغه کسان يې په جنوبي وزيرستان کې د پنجشنبې ( زيارت ) په سهار تري تم شوي دي.

وياند دا ونه ويل چې دوى تېښتول شوي دي که څنگه خو چاواکي وايي دوى ځايي طالب اورپکو تېښتولي دي.

د پاکستان پوځ په وزيرستان کې د خپلو عملياتو د گړندي کيدو خبر هم ورکوي او وايي چې د شمالي وزيرستان په نښتو کې يې ١٢ اورپکي وژلي دي.

په يوۀ جلا مطلب کې د پاکستان سترې محکمې انتخابي کميسيون ته امر کړى دى چې په ٣٠ ورځو کې دننه دې ټول قانوني رايه ورکونکي راجسټر کړي .

ددې لپاره په ستره محکمه کې شکايت شوى وو چې `په ميليونونه وگړي د رايې ورکولو په لست کې نه دي اچول شوي.

دا لانجه له هغې وروسته راپورته شوه چې د چارواکو لخوا په خپاره شوي رسمي ټاکنيز نوملړ يا لسټ کې له نژدې ٥٢ ميليون وگړو څخه ٢٠ ميليونه تري تم وو چې د پنځو کالو له مخکيني شمېر څخه بېخي لږ دي .

دا وروستۍ نېټه له هغو گنگوسو يوه ورځ وروسته راغلې چې ويل کيدل ولسمشر مشرف ښايي بيړنى حالت اعلان کړي .

د بېړني حالت په لگولو سره هغه ټاکنې ځنډولې شواى چې د سږکال په پاى کې کېدونکې دي.

په اسلام اباد کې د بي بي سي خبريال وايي جنرال مشرف په پاکستان کې دروان اخ وډب کنټرولولو پر سر د خپلو ملاتړيو او مخاليفينو له زيات فشار سره مخامخ دى .