عبدالمالک عاصم له کابله

	له دې وړاندې هم د بي بي سي د تعليمي پروژو پروگرامونو جايزې اخيستې دي

دا د بي بي سي د تعليمي پروگرا مونو هغه خپرونه وه چې د نړۍ له لر او برڅخه د سلگو نو پروگرامونو له منځه د نيو يارک په فسټيوال کې دريمه درجه جايزه وگټله .

په دغه پروگرام کې د ډرامې په ډول ماشومان يو او بل هغې زړې کلا ته له ننوتو منع کوي چې په جگړو کې وران شوي او ماينونه پکې ښخ دي .

دافغانستان لپاره د بي بي سي د تعليمي خپرونو مشر شير اقا کريمي چې په کابل کې يې ددغې جايزې د تر لاسه کيدودلمانځنې دستورې ته وينا کوله چې پکې گڼ ليکوالان ، خبريالان او چارواکي نا ست وو د برونزو دغه ډالۍ ډيره ارزښتناکه وبلله .

دافغانستان د اطلاعاتو او کلتو ر وزير عبدالکريم خرم د دغې جايزې د مبارکۍ ترڅنگ په لويه کې ددغه هېواد د خلکو د ښوني روزنې او په نورو برخو کې د بي بي سي راډيو پروگرامونه وستايل .

دماشومانو لپاره د بي بي سي دغه پروگرامونه له تېرو ٥ کلونو را پديخوا په پښتو او دري ژبو دماشومانو د ژوند او ښونې په اړه بيلابيل موضو عات خپروي او تر دې وړاندې يې څو نورې جايزې هم گټلي دي .

پر دې سربېره د بي بي سي تعليمي پروژې د نوي کور نوي ژوند ډرامې او څو نور روغتيايي ، ښونيز او دورځنيو چارو پروگرامونه لري چې له څه باندې لسو کلونو راپديخوا خپريږي .