عبدالمالک عاصم له کابله

	د ننگرهار د شيرازادو په ولسوالۍ کې د امريکايي ځواکونو له خوا د څلو تنو په وژلو سره چې ادعا کيږي ملکي خلک دي ، د جمعې ورځ هم پر يو خونړي خبر وپوښله .دا ورځ افغانستان ته د ښاغلي مون له سفر سره برابره وه

دا کابل ته د بان کي مون لومړى سفر و چې د ملگرو ملتونو مشرۍ ته د رسېدو وروسته يې تر سره کوي .

د ولسمشر وياند وايي چې دخبرو اجنډا له نژدې د افغانستان د امنيت او پر مختگ د څيړل و.

د ملگرو ملتونو مشر د جمعې په ورځ له افغان مشرتابه او دناټو له قومندانانو سره تر ليدنو کتنو وروسته افغانستان پرېښود .

افغانستان ته د بان کي مون دغه سفر له وړاندې نه وواعلان شوى .

دا سفر په داسې حال کې تر سره شو چې په دغه هېواد کې ددولت دمخالفينو بريدونه زيات شوي دي.

اودحکومت پر وسله والو مخالفينو د بهرنيو ځواکونو په بريدونو کې دملکي وگړو دمرگ ژوبلې په اړه نيوکې او اندېښنې په زېاتېدو دي .

د ولسمشر کرزي وياند کريم رحيمي بي بي سي ته وويل چې د بان کي مون او حامد کرزي په خبر و کې په دغو ټکو باندې پوره بحت وشو .

(( دده د سفر موخه دافغانستان د حالاتو څېړل ، د ترهگرۍ، مخدره توکو او اداري فساد سره په مبارزې او د بيارغاونې دچارو په اړه بحث کول و.

همدارنگه ښاغلي بان کي مون دافغان ولسمشر د تگلارو څخه ملاتړ وکړ.

خو د عملياتو په ترڅ کې يې دملکي وگړو د مرگ ژوبلې په اړه اندېښنه وښوده او ددغه کار په مخنيوي يې ټينگار ي وکړ.))

وياند کريم رحيمي وايي چې دافغانستان او پاکستان ترمنځ د امن د سيمه ييزې جوړېدونکي جرگې پر سر په خبرو سربېره ، دملگرو ملتونو مشر په افغانستان کې په شويو پرمختگونو خوښي وښوده .

ښاغلي مون په جلا ډول په افغا نستان کې د ناټود ځواکونو له قومندان سره هم وکتل چې د ترهگرى سره جگړه او دافغانستان د امنيت موضوعگانې يې دخبرو اصلي ټکي و .

د افغان مشر تابه له تگلار و او د نړيوالو مرستو پر سر د ملگرو ملتونو د سرمنشي دملاتړخبره او په لويه کې دغه سفر د حامد کرزي د حکومت څخه د ښکاره نړيوال ملاتړ نښه بلل کيږي .

کابل ته د ملگرو ملتونو دمشر د سفر پر مهال د کابل او افغانستان د نورو سيمو امنيتي وضيعت په تسبي ډول ارامه او دجمعې د رخصت له کبله د ښار په واټونو کې موټرونه کم تر ستر گو کېدل .

خو د ننگرهار د شيرازادو په ولسوالۍ کې د امريکايي ځواکونو له خوا د څلور تنو په وژلو سره چې ادعا کيږي ملکي خلک دي ، د جمعې ورځ هم پر يو خونړي خبر وپوښله .

کابل ته د ښاغلي مون سفر له هغه نړيوال کنفرانس څخه دوه ورځې وړاندې تر سره شو چې د ايټاليا په روم کې به په افغانستان کې د قانون دواکمنۍ د څرنگوالي په اړه پيل شي .

ټاکل شوې چې افغان ولسمشر او دملگرو ملتونو سرمنشي هم ددغه کنفرانس گډونوال وي .