حنان حبىبزى له کابله

	په افغانستان کې د نري رنځ د ناروغانو کره شميره چا نه ده وړاندې کړې خو د روغتيا وزير د ٢٠٠٢ کال راهيسې دملگروملتونو په مرسته د نري رنځ په وړاندې خپلې هلې ځلې ډيرې بريالۍ وبللې .

خو د ملگرو ملتونو يوې استازې د افغان ميرمنو ترمنځ د نري رنځ دناروغۍ د ډيروالي په اړه انديښنه وښوده او د مخنيوي لپاره يې د نړيوالو تخنيکي مرستو غوښتنه وکړه .

يو امريکايي پوهنتون د څيړنې له مخې د نړۍ ٢٢ هيوادونه د نري رنځ تر گردو لوې شميرې لري چې افغانستان هم د ليسټ په وروستۍ برخه کې ځاى لري .

خو افغان دولت وايي چې د نري رنځ په وړاندې يې مبارزه په بري سره پرمخ درومي .

محمد امين فاطمي وويل ، د يوه ناروغ په درملنې سره يې په ټولنه کې ١٥ تنه نور ژغورلي دي .

په افغانستان کې د نري رنځ د ناروغانو کره شميره چا نه ده وړاندې کړې خو د روغتيا وزير د ٢٠٠٢ کال راهيسې دملگروملتونو په مرسته د نري رنځ په وړاندې خپلې هلې ځلې ډيرې بريالۍ وبللې .

ښاغلي فاطمي په يوه کال کې د نري رنځ د قربانيانو شميرې له تيرو کلونو سره پرتله کړې :

(( د نري رنځ له امله دمړينې کچه پخوا ٢٠٠٠٠ زره تنه وه اوس ١٠٠٠٠ ته راټيټه شوې ده .
وگورئ چې پنځوس په سلو کې د مړينې شمېر راټيټ شوى دى .))

خو يو شمير روغتيايي ټولنې د نري رنځ ډيروالي انديښمنې کړي دي .

زه به مرسته کونکي وهڅوم چې د نري رنځ په وړاندې جگړه کې مرسته وکړي . انا کتالدي

په ليرې پرتو سيمو کې يې د ناروغۍ په وړاندې د کلکو گامونو د وچتولو غږ وکړ .

اغلې کتالدي وويل په دې هيواد کې ٦٣ په سلو کې ددغې ناروغۍ قربانيان ښځينه دي او له نړيواله ټولنه بايدپاملرنه ډيره کړي :

((زه به مرسته کونکي وهڅوم چې د نري رنځ په وړاندې جگړه کې مرسته وکړي .
دوى يوازې د درملو په مرستې بسنه ونکړي ځکه چې درمل خو دوى ورکوي .
دوى بايد دلابراتوارونو او کتنځيو د جوړولو لپاره مرسته وکړي .
لابراتوارونه بايد د هيواد په بيلابيلو برخو کې شته وي .

د روغتيا له وزيرڅخه غواړو چې د هيواد ليرې پرتو سيمو ته د روغتيا پالو کوچنۍ ډلې وليږي او دا به د هيواد په بيلا بيلو برخو کې خلکو ته اسانتياوې رامنځته کړي .))

له بلې خوا د جان هاپکينس امريکايي پوهنتون د خپلې څيړنې له مخې د نري رنځ ناروغي په افغانستان کې ډيره پراخه بللې ده .

د روغتيا وزارت وايي په تيرو کلونو کې د ناروغۍ ډيروالى د خلکو ترمنځ د ليک لوست او د روغتيا په برخه کې دمالوماتو د کمښت له کبله رامنځته شو .

خوځينې ډاکټران د نري رنځ ناروغۍ ته له بې وزلۍ او ژورخپگان سره تړاو ورکو ي .