ببرک مياخيل
له جلال اباد څخه |  |
| | | دغه پېښه د ننگرهار ولايت د خوگياڼو په لويه ولسوالۍ کې شوې ده چې د امنيت وضعه يې د نور ولايت په پرتله ښه نه بلل کيږي |
د ننګرهار ولايت د روغتيارياست بي بي سي ته وويل چې د دوى دوه تنه مامورين له پرون ورځې راهيسې ورک دي . د دغه ولايت د عامې روغتيا يوۀ چارواکي زياته کړه دغه کسان له تېر مازيګر راهيسې د خوګياڼو ولسوالۍ له شيرزاد سيمې څخه ورک شوي دي . په ورکو شويو کسانو کې يو د واکسين سوپروايزراو بل هم د هغۀ موټر چلونکى ښوول شوي دي . دا لا معلومه نه ده چې دغه کسان څرنگه او يا د چا له خوا تښتول شوي دي . چارواکي وايي دوى په دې برخه کې پلټنې پيل کړي دي. د وسله والو طالبانو يوۀ وياند زبيح الله مجاهد په خپل لومړني غبرگون کې پر دغې پېښې نا خبري ښوولې ده . څو مياشتې مخکې په کندهار ولايت کې د عامې روغتيا پنځه تنه کارکوونکي د مخالفو وسلوالو طالبانو لخوا تښتول شوي و، چې يو ډاکټر يې د هغوى لخوا ووژل شو او نور کسان يې د ملاداد الله د مړي په بدل کې خوشې شول . | 
غالب: د نشه يي توکو قاچاق کې چارواکي لاس لري
