عبدالمالک عاصم له کابله

	ذکيه ذکي د سولې په راډوي کي تفريحي او سياسي پروگرامونه وړاندې کول

نوموړې دسه شنبه په ماښام په خپل کور کې په ډزو سره ووژل شوه .

دکورنيو چارو وزارت ددغو نيول شويو کسانو په اړه ډېر جزيات ورنکړل .

خو په ډاگه يې کړه چې دغه کسان پخوا په وسله والو ډلو پورې تړلي وو.

د يوې اونۍ په دننه کې د ٢ افغان ښځينه خبريالانو د وژونکو نيول کېدل که دافغان

پوليسو د بريا نښه بلل کيږي خو دخبريالانو په منځ کې يې ډيرې اندېښنې راپورته کړي .

دکورنيو چارو وزارت د ترهگرۍ ضد ادارې مشر عبدالمنان فراهي په کابل دخبريالانو يوې ناستې ته د ٦ تنو د نيولو خبر ورکړ چې ٢ تنه يې نيغ په نيغه په وژنې تورن کړل.

خبرياله ذکيه ذکي د سه شنبه په شپه په خپل کور کې په ډزو سره ووژل شوه .

امنيتي ځواکونه دخبريالانو دامنيت لپاره تيار دي . موږ ډاډ ورکو و چې امنيت به يې ساتو . منان فراهي

نورې پلټنې روانې دي وروسته به نور معلومات وړاندې کړو.))

دغه ټول کسان په هغه سيمه کې امنيتي ځواکونو نيولي چې خبر ياله ذکيه پکې وويشتل شوه .

ښاغلي فراهي دغه کسان سيمه ييز اوسيدونکي وبلل ،خو د نورو جزئېاتو له ورکړ ې يې ډډه وکړه .

نوموړي ونه ويل چې دا کسان په چا پورې تړلي اوڅوک دي، خو په تېر مهال کې يې دغه کسان په ځينو وسله والو ډلو پورې وتړل .

له دغو نيول شويو کسانو څخه دامهال امنيتي ځواکونه پلټنې کوي .

په کابل کې د خبريالانو څخه ددفاع د ټولني يو چارواکي ضيا بوميا وايي چې د وروستيو ٢ خبريالانو وژل کېدو ددوى اندېښنې زياتې کړي دي.

(( په دې وروستيو ٢ اونيو کې څانگه اماج او ذکيه ذکي ووژل شول په پروان کې يو

خبريال ټپي شو ، په کندوز کې يوه ورځپاڼه د سيمه ييزو چارواکو لخوا وتړل شوه ، که حالات همداسې روان وي نو د ژور ناليستانو مصونيت به ختم شي ))

خبرياله ذکيه ذکي په پروان ولايت کې د سولې د راډيو مشره وه او له تيرو څو کلونو راهيسي يې په سيمه ييزه کچه خپرونې درلودې .

(( په څلور ورځوکې څانگه اماج او ذکيه ذکي ووژل شول .که حالات همداسې روان وي نو د ژور ناليستانو مصونيت به ختم شي. بوميا

(( امنيتي ځواکونه دخبريالانو دامنيت لپاره تيار دي . موږ ډاډ ورکو و چې امنيت به يې ساتو .

او که دوى د خطر احساس کوي نو زموږ امنيتي ځواکونو ته دې احوال ورکړي موږ به يې امنيت خوندي کړو.))

پر ذکيه ذکي سربېره په روانې اونۍ کې په کابل کې د يوه خصوصي تلويزون خبرياله

څانگه اماج هم په خپل کور کې په ډزو سره ووژل شوه چې وروسته پوليس وتوانېدل ددغې خبريالې دوژنې په تور دوه کسان ونيسي .

بل خوا د کابل ولايت د قره باغ په ولسوالۍ کې د يوې سيمه ييزې راډيو چارواکي وايي دسيمې شورا او د ولسوالى چارواکو له تېرو ٣ ورځو راپديخوا دغه راډيو په خپله ولکه کې اخيستي .

دا په سيمه کې يوه خپلواکه راډيو ده چې له څه باندې ٣ کلونو راهيسې ډول ډول خپرونې کوي .

د اطلاعاتو او کلتور وزارت او په کابل کې د خبريالانو ددفاع ټولنې دغه کار غندلي ، خو دافغانستان دکورنيو چارو وزارت ددغې پيښې په اړه بې خبرې وښوده .