حنان حبىبزى کابل

	د افغان کډوالو پر سر د ايران او افغانستان اړيکي هم خړ شوي دي .

شرارد کوپر کولز دغه خبره له بي بي سي د يوې ځانگړې مرکې په ترڅ کې کړې ده .

نوموړي وويل ، د برتانيا باور دادى چې په افغانستان کي له تاوتريخوالي څخه ملاتړ به د ايران په گټه نه وي او هغه هيواد بايد د برتانيا انديښنه درک کړي .

داخبرې له هغې وروسته کيږي چې په افغانستان کې د ايران د اغيز د زياتوالي په اړه انديښنې ډيرې شوي دي .

که څه هم له دې وړاندې د امريکا او برتانيا ددفاع وزيرانو په افغانستان کې د ايران د

اغيز د پراختيا په اړه انديښنې ښولي او تهران يي په دې هيواد کې د تاوتريخوالي په

ملاتړ او دافغانستان په سوېل کې اورپکو او وسله والو طالبانو ته د وسلو په ورليږلو پړ بللى دى .

خو دا لومړى ځل دى چې په افغانستان کې د برتانيا تر گردو لوړپوړى سياسي استازى په دې اړه د خپل هيواد دريځ له انديښنو ډک څرگندوي .

د افغانستان لپاره د برتانيا نوي گمارل شوى سفير شرارد کوپرکولز کابل ته له رارسيدو يوازې دوه ورځې وروسته له بي بي سي سره په يوې ځانگړې مرکه کې غږيده .

ښاغلي کولز وويل څومره چې اېران په افغانستان کې گټې لري هومره په دې هيواد کې دده په وينا د اورپکو ډلو ملاتړ ورته زيان اړوي . ده وويل :

(( موږ انديښمن يو او غواړو ډاډه شو چې دا مساله د ايران پام ځانته ورواړوي .

په دې وروستيو کې د امريکا د بهرنيو چارو مرستيال وزير په افغانستان کې د ايران د پياوړي سياسي شتون خبره وکړه .

د تيرو پنځه کلونو راهيسې ايران ته دداسې يو هيواد په سترگه کتل کيدل چې له افغانستان سره مرستې کوي .

ايران هم تل په هره خبره کې ځان د افغانستان ددولت ملاتړ کونکى بولي .

خو د امريکا څرگندونو په افغانستان کې د ايران د ونډې په اړه يو لړ انديښنې راولاړې کړي دي .

په دې وروستيو کې د امريکا د بهرنيو چارو مرستيال وزير په افغانستان کې د ايران د پياوړي سياسي شتون خبره وکړه .

او د امريکا د دفاع وزير په ايران تور ولگاوو چې په افغانستان کې اورپکو ته وسلې استوي .

له بلې خوا د افغان کډوالو پر سر د ايران او افغانستان اړيکي هم خړ شوي دي .

له ايران څخه په ډله ييز ډول د نژدې يو مليون افغان کډوالو راشړل ددواړو هيوادونو اړيکي د پخوا په پرتله ډير ساړه کړل .