 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
طالبان : پر ايټاليايي ژورناليست خبرې کوو | |||||||||||||||||||||||||||||||||||||||||||||||||||||||||||||||||||||||||||||||
په افغانستان کې طالبانو منلې ده چې د هغۀ ايټاليايي ورځپاڼه ليکونکي د برخليک په باب يې خبرې اترې پيل کړي دي چې تيره اوونۍ يې له دوو افغان ژباړونکو سره د هلمند په نادعلي ولسوالۍ کې تښتولى و . د ريپبليکا په نامۀ د ورځپاڼې خبريال دانيلي ماستروجيکومو باندې په پيل کې وسله والو طالبانو د جاسوسۍ تور لگولى و . قاري يوسف چې ځان د طالبانو وياند بولي بي بي سي ته له يوۀ نامعلوم ځاى څخه د تيلې فون په کرښه وويل چې دوى د دغه ورځپاڼه ليکونکي د برخليک په سر خبرې کوي . قاري يوسف دا ونه ويل چې له چا سره خبرې کوي خو د طالبانو دريځ يې روښانه کړ . دۀ وويل په افغانستان کې ميشت ايټاليايي ځواکونه بايد له دغه هيواد څخه د وتلو نېټه جوته کړي او د طالبانو يو شمير نيول شوي مشران بايد خوشي شي . د وسله والو طالبانو وياند دا ونه ويل چې کوم مشران او له نورو جزيياتو يې هم ډډه وکړه . ايټاليا په افغانستان کې شاوخوا ١٩٥٠ سرتيري لري چې په پلازمېنه کابل او هرات کې ځاى پر ځاى شوي دي . په ايټاليا کې د مسلمانانو د مرکزي جومات امام ، د هغۀ هيواد د فوټبال د ملي لوبډلې لوبغاړو ، ورځپاڼه ليکونکو او په کابل کې د ايټاليا سفير د دانيلي ماستروجيکومو د خوشي کولو لپاره غوښتنې کړې دي . دانيلي ماستروجيکومو د دوو ماشومانو پلار دى او ويل کيږي چې د نړۍ په ډيرو جنگ ځپلو سيمو کې يې د خبريالۍ دنده ترسره کړې ده . | ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
غالب: د نشه يي توکو قاچاق کې چارواکي لاس لري
