کاپيسا د پلازمېنې کابل شمال ته پرته ده.

مرستيال والي وويل ٩ تنه ولسي وگړي وژل شوي دي چې ښځې او درې کوچينان هم پکې دي. .

دا په څلور ويشت ساعتونو کې دويم ځل دى چې ملکي افغانان وژل کيږي .

ولسمشر کرزي ، د هېواد په ختيځ کې د جلال اباد ښار ته نژدې پر يو شمير خلکو ډزې وغندلې چې له يوۀ ځانمرگي بريده وروسته د امريکايي پوځيانو يوې گزمې وکړې.

له پيښې وروسته په زرگونو خلک داحتجاج لپاره را ووتل او د امريکا پر ضد يې نارې ووهلې .

د امريکا پوځ وويل چې د يوۀ پيچلي غلچکي بريد په ترڅ کې پرې ډزې وشوې او دوى د ځان د ساتلو لپاره ځوابيه ډزې وکړې.

دا خبره لا هم پوره څرگنده نه ده چې په رښتيا څو تنه وژل شوي او څو نور ټپيان شوي دي .

خو سيمه ييز خلک پر هغه څه په غصه دي چې ېې د امريکايې پوځيان له لوري د له حده ډير ځواک کارول بولي.

په افغانستان کې نړيوال ماموريت ددې لپاره دى چې له حکومت او خلکو سره مرسته وکړي، خو درندې جگړې او ځانمرگي بريدونه په تيرو کلونو کې د زرگونو بې گناه خلکو د وژلو لامل گرځيدلي دي .

ولسمشر کرزي په تيرو وختونو کې پر نړيوال ځواکونو نيوکې کړي او ويلي چې دوئ بايد د ملکي وگړو د وژنې د مخنيوي لپاره ډير څه وکړي .