 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
فرانسه له افغانستانه خپل ٢٠٠ سرتيري باسي | |||||||||||||||||||||||||||||||||||||||||||||||||||||||||||||||||||||||||||||||
فرانسه وايي په راتلونکي مياشت کې له افغانستانه دخپلو ٢ سوه سرتېرو وېستنه پيل کړي . دغه سرتېرې دا مهال دافغانستان په ختيځ ننگرهار کې ميشت دي . دفرانسي ددفاع وزيرې ميشيل اليوت مېري په کابل کې يوه خبري ناستې ته وويل چې دافغانستان دامنيت د لاښه ټيکاو لپاره به دافغان امنيتي ځواکونو روزلو او سمبالولوته زيات پام وکړي . خودې ژمنه وکړه چې دفرانسي نور ١٢ سوه سرتېري به چې دناټو تر قوماندې لاندې په افغانستان کې د ندې تر سره کوي ترډېره په دغه هېواد کې پاتې وي. د فرانسې ددفاع وزېرې د افغانستانه د خپلې ٩ لېدنې پر مهال اعلام وکړ چې دجنورى په مياشت کې به په جلال اباد کې ميشت خپل ٢ سوه کسيز ځواک په څو پړاونو کې وباسي . دغه سرتېري له څو کلونو راپدېخوا دفرانسې ددولت په نېغې لارښونې په افغانستان کې د ترهگرى سره د مبارزې په ډگر کې دندې ترسره کولې . ميشيل اليوت ميري په ډاگه کړه چې دغه سرتېري د سوله ساتو هغونه جلا دي ، ددې ډير ټينگار په دي و چې دافغان ځواکونو په روزنو کې به غټه برخه واخلي . په همدې موخه يې د يو شميرفرانسوي روزونکو د استولو څخه يادونه وکړه چې په وينا يې له امريکايي پوځيانو سره به يوځاي دافغانستان د ملي پوځ پراخې روزنې ته اوږه ورکړي . دفرانسې ددفاع وزيرې په ډاگه کړه چې دفرانسې په مټ روزونکو پوځيانو ته به فرانسوي پوځي وسايل هم ورکړي . ((د فرانسې ددفاع وزارت تيار دى چې افغان امنيتي ځواکونه و روزي او دغو پوځيانو ته دپوځي وسايل ورکړي . او داسې کسان به هم وروزو چې ددغو وساېلو ساتنه وکړي .)) ميشيل الېوت ميري ټېنگاروکړ چې ټول بايد زيات پام دافغان امنيتي ځواکونو روزنې ته وکړي . چې په خپله د حالاتو په کابو کولو وتوانېږي .دې ووېل خپل افغان سېال ته يې د ژاندارم پولېسو د ځواک دجوړېدو وړاندېز هم وکړ چې د پولېسو په خواکې په امنيتي چارو کې فعاله ونډه واخلي . خو دفرانسې ددفاع وزيرې په ډاگه کړه چې نور ١٢ سوه سرتېري به يې دناټو تر قوما ندې لاندې په افغانستان کې دامنيت د ساتلو دندې تر سره کړي . ددغو ځواکونو غټه برخه په پلازمېنه کابل کې دنده تر سره کوي . فرانسوى وزيري تېره ورځ له افغان ولسمشر، ددغه هېواد ددفاع له وزير او په کابل او جلال اباد کې له خپلو سرتېرو سره ولېدل . له لوېه سره د مېرمن ميريباور داو چې افغانستان د پر مختگ په لور روان دى . ميشيل اليوت ماري له تاجکي چارواکوسره د سېمه ېېزو موضوعگانو پرسر دخبرو لپاره له کابله دوشنبې ته وخوځېده | ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
غالب: د نشه يي توکو قاچاق کې چارواکي لاس لري
