الياس وحدت گردېز

	دپکتيا- پکتيکا ځانمرگوبريدو يو پوليس وواژه

د حنيف په نامه يوه طالب وياند وويل چې بريد د دوى يوه ځايي ملگري ترسره کړى، خو افغان چارواکي وايي چې د بريد کوونکي څېره د افغانانو نده.

يوه عيني شاهد چې نه يې غوښتل نوم يې واخيستل شي وويل چې تر چاودنې وروسته افغان پوځيانو ډزې وکړې چې په نتيجه کې يې يو شمېر ځايي خلک ټپيان شول، خو چارواکي دغه ادعا نه مني.

په گاونډي ولايت پکتيکا کې هم يوه نارينه ځانمرگي چې د ښځو څادري يې پر سر وه، د ځان په الوزولو دوه افغان سرتيري ټپيان کړي دي.

په دغه ولايت کې د افغان پوځ يوه قوماندان، جنرال مراد علي خبري آژانسو ته ويلي چې بريد کوونکى، د افغان عسکرو ډلې ته چې په يوه بازار کې په گزمه بوخت وو، ورنژدې شو او په ځان پورې تړلي مواد يې وچول.

طالبانو په دې وروستيو کې د افغان او بهرنيو ځواکونو خلاف ځانمرگو بريدونو ته زور ورکړى دى.