په بغداد کې دگرځبنديز له لگېدو څخه دښار ټولې کوڅې چوپتيا نيولې دي.

دوى وايي چې څه له پاسه دونيم سوه نور کسان ټپيان شوي دي. پوليس وايې چې په دوه زره دريم کال کې دامريکا په مشرۍ کې د تيري وروسته دا تر ټولو سخت تاوتريخوالى وو.

په بغداد کې د نامالومې مودې لپاره گرځبنديز لگيدلى دى.

د بي بي سي خبريال گليچر وايې چې په بغداد کې دگرځبنديز له لگېدو څخه دښار ټولې کوڅې چوپتيا نيولې دي.

"زه په يوې په يوې لويې لارې کې ولاړ يم چې د بغداد مرکز ته غځېدلې ده،بې له امنيتي کسانو به په مټې د يو بل چا خوزښت ووينې.د ښار اوه ميلونه وگړي د تړليو ورونو شاته بند پاتې دي په دوى کې هيڅ يو نه پوهېږي چې څه مهال به گرځبنيدز اخيستل کېږي.
د بغداد نړيوال هوايي ډگر د هر ډول مسافر وړونکو الوتنو پر مخ تړل شوى دى.په جنوبي ښار بصرې کې هم هوايي ډگر تړل شوى دى."

د بغداد په سدر ښار کې د ورانونکو بمي چاودنو غندنه دډېرى سني شييعه او کردي سياستوالو لخوا په پراخه کچه غندل شوې دي.دغه سياستوالو په عراق خلکو ته د پر امنه اوسېدو غږ کړى دى

په لومړى سپېدو کې خلکو په سدر ښار کې خپل مړي خارو ته وسپارل. په سلگونه خلک له تابتونو سره روان وو .