نعمت الله کرياب اسدا آباد

	پيښه د کوړنگل په غرنۍ سيمه کې شوى ده

له دغې ډلې څخه دوه تنه ژوندي پاتې دي. ښاغلى جلال وايي يو يې د خپلې اوږدې ږيرې له امله پرېښودل شوى او بل ورته ځان لاروى ورښودلى و.

وژل شوي د ولايتي مرکز – اسد آباد او شاخوا سيمو اوسېدونکي دي. د مړو د راوړلو پرمهال ويرجنو خپلوانو يې د طالبانو پر ضد نارې وهلې. خو طالب لوري لا تر اوسه ددغو وژنو پړه نده منلې.

تر دې وړاندې هم عادي افغانان په دغه پوځي قرارگاه کې د کار په تور وژل شوي وو.

کوړنگل هغه سيمه ده چې افغان حکومت او مېشتو ايتلافي ځواکونو يې پر وگړو د خوراکي توکو د وړلو او تگ راتگ سخت بنديز لگولى و، خو په دې ژمنه پايته ورسېده چې د سيمې خلک به د وسله والو طالبانو مرسته نه کوي.

حکومتي سرچينې وايي ددغې سيمې يو شمېر خلک په وسله واله جگړه بوخت دي او پاتې نور يې مرسته ورسره کوي.

له بلې خوا د خوست او گردېز پر لويه لاره د يوه ځانمرگي بريد په نتيجه کې يو افغان سرتېرى وژل شوى اواووه نور ټپيان شوي دي.
له سيمې نه د کمال سادات د رپوټ له مخې، بريد کوونکي د خوست ښار په لوېديځ کې د اسماعيل خېلو او مندوزيو ولسواليو ترمنځ سړک کې ځان د ملي اردو له يوه گاډي سره وجنگاوه او چاودنه رامنځ ته شوه.

د چاودنې په ځاى کې د وژل شوي بريد کوونکي د بدن ټوټې خورې – ورې پرتې وې. د طالبانو له نامه يوه تن سيد شريف ومنله چې دغې ډلې دا بريد تر سره کړى دى.