اوس دا ناروغي يوازې په څلورو هيوادونو کې پاتې ده

د شل کلنو هلوځلو پايله يې ډيره ښه راووتله . ددې ناروغۍ دفلجو يا شلو ماشومو قربانيانو شميرله سلگونو زرو څخه لسگونو زرو ته او په پاى کې سلگونو ته راښکته شو .

اوس دا ناروغي يوازې په څلورو هيوادونو کې پاتې ده . په نايجريا ، پاکستان ، افغانستان او هند کې .

له پيله په دغو هيوادونو کې چارې په سمه توگه پر مخ نه دي تلي . د نايجريا په شمال کې نه تيريدونکو سيمه ييزو سياستوالو دا بې اعتباره کړون وباله او داسې اوازې يې خپرې کړې چې له پوليو څخه د خلاصون بهير يوه امريکايې توطيه ده چې غواړي مسلمانې جنکۍ شنډې کړي .

له دې کبله په دې پروگرام کې بدلون راغى . ځپل شوې سيمې د پروگرام له نوي پيل څخه پاتې شوې .

اوس د سعودي حکومت د دسمبر په مياشت کې د راتلونکي حج لپاره نوي بنديزونه او محدوديتونه لگولي دي . له نايجريا او سويلي اسيا څخه به حج ته تلونکو مسلمانانو ته هغه وخت ويزه ورکول کيږي چې دوى دا کره کړي چې د گوزڼ ،فلج يا پوليو په وړاندې يې واکسين کړى دى .

د سعودي عربستان د روغتيا مرستيال وزير ډاکټر يعقوب يوسف المزروي وويل چې د نايجريا او د درې نورو هيوادونو مسلمانان به له ستونزو سره مخامخ نشي .

ډاکټر يعقوب يوسف المزروي همدارنگه زياتوي چې له نيکه مرغه . واکسين ډير ارزانه دى ،بيه يې ډيره لوړه نه ده او په هر ځاى کې پيدا کيږي ، د نايجريا په هر ځاى کې ،ځکه نايجريا ته پکار ده چې د گوزڼ يا پوليو په وړاندې د واکسين لپاره ډيرې منډې ترړې وکړي .

د ښې روغتېا لپاره به د نايجريا ، پاکستان ، افغانستان او هند حاجيانو ته د پوليو بل واکسين هم ورکول کيږي چې دوى سعودي عربستان ته د حج لپاره ورسيږي .