 | | | کشمير کې د پاپ په څرگندونې يو شمير خلکو په لاريون لاس پورې کړى |
د پاکستان پارلمان هم له هغو نيوه کو سره يوځاى شوى چې د اسلام په اړه د پاپ پر څرگندونو په اسلامي نړۍ کې مخ په زياتېدو دي. داسې برېښي چې د کېتوليکو عيسويانو مذهبي مشر، پاپ بېنېډيکټ، په جرمني کې دا اوونۍ د يوه لکچر په ترڅ د جهاد مفهوم تر پوښتنې لاندې راوستى. نوموړي د تعقل، مذهب او تاوتريخوالي ترمنځ تړاو ته کتنه وکړه او دقسطنطنيې د څوارلسمې پېړۍ د يوه مسيحي امپراتور د خبرو په راوړلو سره يې وويل: د اسلام پيغمبر يوازې يو اصل رامنځ ته کړى او هغه د تورې په زور د مذهب د خپرولو لارښوونه ده او دا له تعقل سره ضديت لري او له الهي طبيعت سره سمون نه خوري. |  پاپ دي خپله خبره بېرته واخلي  د ترکيې د مذهبي چارو د ادارې مشر |
د پاکستان پارلمان په يوه غږ هغه پرېکړه ليک ومانه چې د سخت دريځواسلامي گوندونو د يوه غړي له خوا وړاندې شوى و. په هغه کې د پاپ څرگندونې سپکوونکې بلل شوي او ورته ويل شوي چې بخښنه دې وغواړي. د وېټيکن له خوا په يوه خپره شوې وينا کې راغلي چې پاپ دا نه غوښتل چې د مسلمانانو احساساتو ته زيان ورسوي، بلکه غوښتل يې دا خبره روښانه کړي چې د مذهب له خوا راټوکېدلى تاوتريخوالى نه مني. د نړۍ په نورو هېوادونو کې هم مسلمانانو د پاپ دا څرگندونې رد کړي دي. پاپ دا وينا په داسې وخت کې کړې ده چې د نومبر په مياشت کې ترکيې ته د سفر پلان لري. د ترکيې د مذهبي چارو د ادارې مشر چارواکي ويلي چې دا ډول وينا به د پاپ د سفر هدف ته زيان ورسوي.نوموړي وويل چې پاپ دي خپله خبره بېرته واخلي. | 
پدي اړه د مذهبې چارو کارپوه ډاکټر محمد فاروق خان سره مرکه
غالب: د نشه يي توکو قاچاق کې چارواکي لاس لري
