ميرويس افغان
|  |
| | | د افغانستان په لويديځو ولايتونو کې فراه په پرتلييزه توگه ارام بلل کيږي |
د افغانستان د فراه په ولايت کې د يوې چاودنې له امله څلور ايټاليايي سرتيري ټپيان شوي دي چې د چارواکو په وينا يې درملنه روانه ده او وضعيت يې ښه بلل شوى دى . دغو سرتيرو د ولايتي بيا رغاونې يا پي ار ټي په ډله کې کار کاوۀ. فراه د افغانستان په لويديځو ولايتونو کې په پرتلييزه توگه ارام ولايت گڼل کيږي . د دغه بريد پړه چا تر اوسه په غاړه نه ده اخيستې خو افغان چارواکي دغه ډول پېښې له وسله والو طالبانو سره تړي چې عمومآ يې دوى د افغانستان دښمنان بولي . د فراه مرکز ته نژدې د شوې دغې چاودنې نور جزييات تر دې دمه نشته . بل پلو د کندهار او سپين بولدک تر منځ پر لويې لارې د يوۀ ځانمرگي بريد له امله يوازې بريد کوونکى وژل شوى خو نور تاويان يې نه دى اړولى . | 
غالب: د نشه يي توکو قاچاق کې چارواکي لاس لري
