. دده داوريدونکو زياته برخه لوستي او زده کړي کسان دي

ښاغلي مقرى جې عمر يې پخپله ده ته هم ندى معلوم ، لکه چې له تخلص نه يې څرگنديږي دغزني په مقر کې نړى ته راغلى دى . د خپل کلي ،گيلان ښوونځيې ته ورغى اوبيايې په مقر کې زده کړو ته دوام ورکړ.

ديني زده کړې يې يې هم کړې دي. کورني يې روحاني وه خو وروسته يې هنر اوسندرو ته مخه کړه . هنر يې پرملايانو بريالى شو. په هنر کې استاد نه لري اوولسي سندرې وايي .

کله چې انقلاب وشو دى هم راډيو ته ورغى اولومړنى ولسي سندره يې وويله : اې باغه زما اې بوستانه زما

تر اوسه يې ١٢٠ کستونه ثبت کړي دي او اوس نيت لري چې يوه نوې ډي وي ډي جوړه کړي. په سندرو کې استاد نلري که څه هم په راگونواوسرونو کې گوتې وهي . لکه چې دى پخپله وايي دخلکوفلکلور يې استاد دى. دسندرو ترنيمايي زيات شعرونه يې پخپله جوړ کړي دي .