عيسى جانان دنوي کور نوي ژوند ننداره کې دگل خان رول لوبوي

له ما شومتوبه يې له هنر اوتمثيل سره مينه لرله . لس کلن وۀ چې دشيرين گل اوشير آغا په فلم کې يې رول ولوباوۀ. په افغان راډيو تلويزيون کې يې تمثيلي ټوټې اونندارې جوړولې.

کله چې په هيواد کې حالات خړ پړ شول دده درک هم ونه لگيد. خوبيايې دگم شده فلم کې رول ولوباوۀ .دافلم چې دهنري اومستندو فلمونو ادارې جوړکړى نوموړي پکې منفي کرکتر يانې دبدماش رول لوبولى دى .

تيرکال يې دهيلوپسرلي په نوم فلم کې دپوهنتون دزده کوونکي رول ولوباوۀ. په فلم کې دښوونکي رول حشمت خان لوبولى دى .
دشادگل په فلم کې يې هم دهوټلي دشاگرد رول لوبولى دى .

تيره ورځ يې دکابل پوليتخنيک دساختماني له پوهنځي نه دمهندسي په برخه کې ديپلوم ترلاسه کړ. پنځه کاله کيږي چې دنوي کور نوي ژوند په راډيويي ننداره کې دگل خان رول لوبوي . گل خان نوي له بهره هيواد ته راغلى دى چې نيمه انگريزي خبرې کوي. پدې ورځو کې يې وادۀ ته ملا تړلې ده.

عيسى جانان سره پوره مرکه د دې ځاى په کېکاږلو اوريدلى شئ