مايک سرجينت نيويارک

	د م م ملتونو د اټومي وسلو د څار څانگه به نن د امنيت شورا ته د ايران په اړه خپل رپورټ وړاندې کوې ،او ښايي ايران له ممکنه بنديز سره مخ شي

د روان کال په لومړيو کې هغو هيوادونو چې د ملگرو ملتونو د امنيت په شورا کې غړيتوب لري ايران ته وړانديز وکړ چې د يورانيمو د بډاينې بېشميره کارځايونه دې ودروي او د ملگرو ملتو غوښتنو ته دې غاړې کيږ دي او يا به له ممکنه بنديزونو سره مخامخ شي .

د نړيوالې اټومي انرژۍ د ادارې اوسنى رپورټ ښيي چې ايران د خپلې اټومي بډاينې د درولو په اړه چمتو والى نه لري .

خو د روانې اونۍ په پيل کې د ايران ولسمشر محمود احمدي نژاد روښانه ځواب وړاندې کړ .
هغه وويل د اټومي بډاينې سوله ييز بهير د ايرانيانو حق دى او هيڅوک نشې کولى چې دا بهير ودروي .

ايران همداراز د نورو خبرو اترو لپاره غږ کړى دى .

د ملگرو ملتونو د امنيت د شورا ځينې غړو په ډاگه وويل چې دوى نور دا هر څه نشې زغملى .

ملگري ملتونه او برتانيا غواړي چې په راتلونکې مياشت کې د ملگرو ملتونو پريکړه ليک رابرسيره کړي چې د ايران په وړاندې بنديزونه پلې کوي .

خو ددغه پريکړه ليک د جزياتو په اړه څه نه دي ويل شوي .

روسيه او چين چې دغه خبرې يې ويټو کړې وې او ويلي و چې دوى به ايران ته د سختې سزا د ورکړې ملاتړ ونه کړي ، د امنيت شورا نور غړي هڅه کوي چې دغه هيوادونه دې ته چمتو کړي چې دا ومني چې د ايران په وړاندې زغم نور پاى ته رسيدلى دى .