د تمثيل لپاره جرئت ، زده کړې او له دې هنر سره مينې ته اړتيا ده

صادقه جانه له يوې موسسې لخوا د ښوونکې په توگه هم دنده ترسره کوي اودتاريخ ، پښتو ، قرانکريم اوځينو نورو مظمونونو لوست ورکوي . واده يې کړى دى اوماشومان لري. له اووم ټولگي يې له تمثيل سره مينه لرله اوکله چې دښوونځي نهم ټولگي ته ورسيده په ر اډيو افغانستان کې يې تمثيلې پارچې لوبول پيل کړل ، هلته دځينو پروگرامونو پروديوسره هم وه .

ميرمن صادقه مقصودي اصلا دلغمان ده خو په کابل کې اوسيږي اوهمدلته لويه شوې ده. دعايشه دراني ليسه يې پاى ته رسولې ده. ددې په کورنۍ کې ډير کسان هنرمندان اوممثلين دى او دخپل مشر ورور ممنون مقصودي نه يې هم ډير څه زده کړي دي. ديارلس کاله کيږي چې دبي بي سي له تعليمي پروژو سره کار کوي اولکه چې وړاند ې مووويل دنوي کور نوي ژوند دراډيوويي نندارې درخوانۍ ده .

	انارگل يې په ډرامه کې زوى اوپيرو اکا يې خسر دى

داوومې سټوډيو په خپرونه کې يې ددوو پارچو رولونو په ترسره کولو سره دډيرو اوريدونکو پوښتنې ځواب کړې . صادقي جانې په پيل کې وويل چې له ماشمتوبه يې ددرخانۍ په نوم يوه کوچۍ پيژندله چې ددوى کورونوته به يې مستې اوشيدې وروړلې اوډيره يې خوښيدله. دې وويل اوس هم چې هر وخت دارول لوبوم همغه درخانۍ مې سترگو ته راته دريږي اويادوم يې .

ديوې بلې پوښتنې په ځواب کې چې دوريو، شپنو او نورو غږونه له کومه کوي؟ دې وويل چې ممنون مقصودي کلي په کلي گرځي اوداغږونه راټولوي اوبيا يې په اړينو برخو کې اچوي.

انارگل يې په ډرامه کې زوى اوپيرو اکا يې خسر دى . ميړه يې په دوبۍ کې د مساپري شپې تيروي اوپه خوارۍ مزودورۍ پسې تللى دى . داوايي چې دتمثيل لپاره جرئت ، زده کړې او له دې هنر سره مينې ته اړتيا ده.

له صادقي سره پوره مرکه ددې ځاى په کيکاږلو سره اوريدلى شى