داسرايلو پوځ

اسراييلو په ټول لبنان کې خپلو هوايي بريدونو ته دوام ورکړى دى، او په وروستېو بريدونو کې له څلويښتو زيات کسان وژل شوي دي. د هوايي بريدونو سره په خوا کې اسراييلو د حزب الله پر ضد چريکي جگړه هم پيل کړې ده.

ځيني راپورونه د وژل شوو شمېره ډيره لوړه ښي.په بيروت کې د مسيحانو يو ولسوالۍ په لومړي ځل د اسرايلود بريد لاندې راغلې ده.اسراييلي ځواکونه د جنوبي لبنان ېوې سيمې ته ننتوي دي،

د اسرايلو د پوځ ېوې وياندې ويلي دي سره ددې چې د حزب الله توغندي اوس هم اسرايلو ته رسيږي دوي د ې ډلې ته زيات تاوان اړولى دى

خو بل لور ته نن يو ځل بيا د حزب الله له لوري شپږ توغول شوي توغندي د اسرايلو دحيفا په ښارلگيدلي دي

مرستندويه ادارو ويلي له نيم ميلون څخه د زياتو بې ځايه شوو خلکو په اړه اندېښمن دي ، دې کسانوخپل کورونه پرېښې دي او د لبنان دنننه ېې پناه اخيستې ده. د نړيوال سرۀ صليب يو جيگپوړى چارواکى احمد جيزو وايي خلک خواړه اونورو بېړنېو مرستو ته اړتيا لري، پکار ده چې د بشري مرستو رسولو لپاره اوربند وشي
په داسې حال کې چې د منځني ختيځ د روان کړکيچ د هواري لپاره د اروپايي ټولنې د بهرنۍ تگلارېم مشر هاويرسولانا د اسراييلو د بهرنېو چارو وزېرسره ليدلي دي په بيت المقدس کې د بي بي سي يو خبريال وايي دا مهال اسراييل ديپلوماسۍ ته هيڅ ليوالتيا نه ښي.