 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
ترينکوټ کې ايتلافي ځواکونو ته مرگ ژوبله اوښتې | |||||||||||||||||||||||||||||||||||||||||||||||||||||||||||||||||||||||||||||||
په افغانستان کې نړيوالو ايتلافي ځواکونو په خپرو کړيو خبر پاڼو کې ادعا کړې ده چې د افغان ځواکونو په ملگرتيا يې د طالبانو مشرتابۀ او عادي سرتيرو ته په ( غرنيو عملياتو ) کې سخت گوزار ورکړى دى . دا خبره په داسې مهال کې ايتلافي ځواکونه کوي چې وايي د ارزگان ولايت په مرکز ترينکوټ کې له طالبانو سره په يوې سختې نښتې اوښتي دي او مرگ ژوبله ور اوښتې ده . له بگرام څخه په خپرې کړې يوې خبر پاڼې کې نړيوال ايتلاف وايي په ترينکوټ کې د ايتلافي ځواکونو يو سرتيرى د طالبانو په بريد کې وژل شوى او ١١ تنه نور يې ټپيان شوي دي . ټپي شوي ايتلافي سرتيري د ترينکوټ روغتون ته رسول شوي دي . د ايتلافي ځواکونو تورن جنرال بنجمن فريکلي وايي : (( د عملياتو د ترسره کولو پر وخت ايتلافي ځواکونو يوه لارۍ ويجاړه کړه چې (( سخت دريځو )) پکې هاوانونه ځاى پر ځاى کول . له دغۀ بريده وروسته له (( غليم )) سره سخته نښته وشوه د غليم د ځاني تاوان په باب لا څه رپوټ نشته . )) له سيمې څخه ناتاييد شوي رپوټونه د بمباريو يادونه کوي . دغه رپوټونه دا يادونه نه کوي چې بمباريو مرگ ژوبله لرلې ده که نه . په ارزگان کې څه موده وړاندې د شويو بمباريو په باب لومړنيو رپوټونو ويل چې گواکې گڼ شمير ملکي وگړي پکې وژل شوي دي . د ولسمشر کرزي له لورې د هغو بمباريو د سپيناوي لپاره يو پلاوى ارزگان ته وليږل شو. د دوشنبې په ورځ د پارلماني چارو وزير فاروق وردگ بي بي سي ته وويل چې د دولتي پلاوي لومړنۍ پلټنې يوازې د دوو ملکي کسانو د وژنې خبره تاييدوي . | ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
غالب: د نشه يي توکو قاچاق کې چارواکي لاس لري
