ميرويس افغان له کندهاره

	په زابل کې په دې وروستيو کې د امنيت وضعه په پرتليزه توگه ښه ښکاري

د زابل چارواكو د اوو طالبانو د وژل كېدو ا ولسو نورو د ژوندي نيول كېدو خبر وركړ .
دغه كسان په تېرو څلرويشتوساعتونوكې وژل شوي يا نيول شوي دي .

د زابل ولايت امنيه قوماندان نورمحمد پكتين بي بي سي ته وويل چې دکلات ښارپه لوېديځ كې د زبيدې دغرۀ په لمن كې درې طالبان وژل شوي اوڅلور نور ژوندي نيول شوي دي .

د ده په خبره په دغو عملياتوكې يې اوه ميله سپكې وسلې هم ترلاسه كړي دي .

ښاغلى پكتين زياته وي چې په شينكۍ ولسوالۍ كې يې څلور نور وسلوال طالبان وژلي او شپږ نوريې ژوندي نيولي دي .

دده په خبره په عملياتو كې ښكېلو ځواكونو ته مرګ ژوبله نه ده وراووښتې.

تېره ورځ هم په دغه سيمه كې ځايي چارواكو د دريو طالبانو د وژل كېدوخبر وركړ او ويې ويل چې په نوبهار ولسوالۍ كې يې د يوې وسله والې نښتې پرمهال د ملي پوځ يوسرتېرى وژل شوى اودرې نورټپيان شوي دي .

خوتېره ورځ طالبانو ددولت مرګ ژوبله ډېره بلله او ديوه طالب مړينه ددرو نورو ټپي كېدل يې تاييدول .