 | | | په دغو عملياتو کې چې د نورستان ولايت په کامدېش ولسوالۍ کې پرون پيل شوي تر اوسه څلور امريکايي سرتيري وژل شوي او يو بل تن يې ټپي شوى دى . |
د افغانستان په ختيځ ولايت نورستان کې د (( غرني زمري )) په نامۀ د ايتلافي ځواکونو او افغان ملي پوځ له خوا پيل شوي عمليات په داسې حال کې تيره شپه تاودۀ شول چې نړيوالو ايتلافي ځواکونو پر خپلو مخالفينو بريد وکړ . د نړيوالو ايتلافي ځواکونو له خوا په خپرې شوې يوې پاڼې کې ويل شوي چې په دغو عملياتو کې چې د نورستان ولايت په کامدېش ولسوالۍ کې پرون پيل شوي تر اوسه څلور امريکايي سرتيري وژل شوي او يو بل تن يې ټپي شوى دى . خبر پاڼه زياتوي چې جگړه تر ناوخته روانه وه چې پکې نړيوالو ايتلافي ځواکونو له هوايي او مځکني ځواک څخه کار واخيست . د ايتلافي ځواکونو په خبر پاڼه کې مخالف لورې ته د اوښتي زيان څه نه دي ويل شوي خو ځايي خلک دواړو غاړو ته د درنې مرگ ژوبلې خبر ورکوي . د غرني زمري عمليات د روان کال د اپريل په نيمايي کې د افغان ملي پوځ او ايتلافي ځواکونو له خوا په گډه پيل شوي چې د دولت په وينا پکې ډيرې لاسته راوړنې شوې دي . | 
غالب: د نشه يي توکو قاچاق کې چارواکي لاس لري
