د فټبال نړيوال فډراسيون په كال نولس سوه څلورم زيږديز كې رامنځته شو

د فوټبال نړيواله اتلولي چې په هرو څلورو كلونو كې يوځل رامنځته كيږي ددغې لوبې په نړيوال بهير كې ستر اوښتون بلل كيږي .

دغه سيالۍ په لسګونو ميلونه خلك د نړۍ په هره برخه كې د يوې مياشتې لپاره بوخت ساتي . كه څه هم د فوټبال نړيوال فدراسيون ( فيفا ) په كال نولس سوه څلورم " ١٩٠٤" زيږديز كې رامنځته شو خو شپږويشت كاله وروسته يې د نړيوالو اتلوليو سيالۍ راوبلل شوې .

(فيفا) پر نولس سوه اته ويشتم زيږديز كال د امسټرډام په ښار كې پخپله كلنۍ ناسته كې دداسې سياليو د رابللو خبر وركړ چې ددغه فډراسيون ګردو غړو يې له مخې په كې د ګډون لار وموندله .

يوروګوايي هيواد د فوټبال د نولس سوه څلورويشتم كال دالمپيك اتل وو

د نړيوالو اتلوليو سيالۍ يوه داسې نظريه وه چې د فيفا دريم ريس ژول ريمه له كلونو كلونو راهيسې پخپل ذهن كې ګرزوله.

له هغې وړاندې د فوټبال نړيوالې سيالۍ يوازې د اولمپيك تر سياليو پورې رالنډې وې چې په ټوليز ډول به فوټبال د نورو لوبو تر سيوري لاندې راته .

په نولس سوه نهه ويشتم ميلادي كال كې فيفا د لومړي ځل لپاره د بارسولونا په ښار
كې د نړيوالو اتلوليو د سياليو په موخه خپل غړي راټول كړل .

په دې ناسته كې پريكړه په دې وشوه چې د يوروګوايي هيواد چې د فوټبال د نولس سوه څلورويشتم كال دالمپيك اتل وو، د راتلونكي كال د نړيوالو اتلوليو لپاره د خپلواكۍ د سلمې كليزې په وياړ د لومړني كوربه هيواد په توګه ونومول شي .