ولسمشر بوش ولسمشر حامد کرزي ته ډاډ ورکړ چې د افغانستان او امريکا تر منځ دوستي پايداره ده

د کابل په شمال کې د دوشنبې د ورځې پيښه له يو شمير ملکي گاډو سره د امريکايي عسکرو د يوه ستر گاډي د لگيدو په نتيجه کې رامنيځ ته شوه .

امريکايي گاډي سره د ټکر په پيښه او په هماغه ورځ په نورو نا اراميو کې چې د همدې ټکر په نتيجه کې راټوکيدلې وې نزدې شل کسان مړه او سلو نه زيات نور ټپيان شول

د دوشنبې د ورځې دغه نا ارامي د طالبانو له ماتې راپديخوا په تېرو څه د پا سه څلورو کلونو کې د کا بل په ښار کې تر ټولو شديده يوه وه .

افغان حکو مت چې پدې برخه کې يې د جدې پلټنې د ترسره کولو او په راتلونکې کې يې ددغه راز پيښو د مخ نيوي هوډ کړى د دوشنبي د ورځې پيښه يې د يو شمير اوباشو او فرصت طلبو عناصرو کار وگاڼه.

فوق العاده غونده

افغان ولسمشرر حامد کرزي تيره ورځ د جمهورې رياست ماڼې ته خپل د بهر نيو ، دفاع او کورنيو چارو وزيران همدا راز يې د مشرانو د جرگې مشر صبغت اله مجددي ، د ولسي جرگې مشر محمد يونس قانوني ، په پارلمان کې د مخالفې ډلې مشر پروفيسر رباني ، مذهبي مشر شيخ اصف محسني او يو شمير نور لو ړ پوړي مشران وربللي وه .

دوي د دوشنبې د ورځې په پيښه ژور غور وکړه او پريکړه وکړه هغوته چې په دغه پيښه کې زيان اوښتي ورته تاوان ورکړي.

همدا را د پيښې د لاملونو په موندلو ، په افغانستان کې د بهرينو ځواکونو په موجودتيا او د افغانستان په سوله اوثبات کې د هغو په اړتيا او هم هغو ته چې د دوشنبې د ورځې په چور او تا لان کې يې لاس درلود ورته د سزا په ورکولو ټينگار وشو.