د ښاغلي شينواري عمر او زدکړې د ډيرو استازيو په گومان د دې وړتيا نه لرله چې پر دغې مهمې څوکۍ پاتې شي .

فضل هادي شينواري يوازې ٧٧ رايې تر لاسه کړې . ١١٧ کسانو مخالفې رايې ورکړې .

ښاغلي شينواري د طالبانو د حکومت له نسکوريدو راهيسته د افغانستان د سترې محکمې د ريس په توگه دنده ترسره کوله .

ولسي استازو له تيرو څو ورځې د ولسمشر کرزي له خوا سترې محکمې ته پر نومول شويو نهو قاضيانو بحثونه کول .

درې ورځې وړاندې مولوي محمد قاسم او محمد عليم نسيمي د سترې محکمې د عالي شورا دوه تنه غړيو ته د ولسي جرگې استازيو د باور رايه ورکړه .

خو محمد عمرمومند او شاه علي اکبر شهرستاني د ٧١ او ٩٢ رايو په اخيستلو سره وه نه شوه کړاى چې د سترې محکمې د عالي شورا غړيتوب تر لاسه کړي .

دغو قاضيانو د ولسي جرگې د ٢١١حاضرو استازيو له رايو نه ١٠٦ رايو ته اړتيا لرله چې په دې توگه مولوي محمد قاسم ١٢٤ رايې او محمد عليم نسيمي د باور ١٠٩ رايې خپلې کړې وې .