محمود کوچى

	ولسي جرگې يوازې پر څلورو قاضيانو غور کاوۀ .

د سترې محکمې د دغو غړيو په سر ولسي استازي د څو اونيو تودو بحثونو وروسته سلا شوه ، خو اوس هم د سترې محکمې د عالي شورا د دوو تنو نوروغړو د برخه ليک په اړه جرگه کومې پريکړې ته نه ده رسيدلې .

مولوي محمد قاسم او محمد عليم نسيمي د سترې محکمې د عالي شورا دوه تنه هغه غړي دي چې د ولسي جرگې استازيو ورته د باور رايه ورکړه ، محمد عمرمومند او شاه علي اکبر شهرستاني د ٧١ او ٩٢ رايو په اخيستلو سره وه نه شوه کړاى چې د سترې محکمې د عالي شورا غړيتوب تر لاسه کړي .

دغو قاضيانو د ولسي جرگې د ٢١١حاضرو استازيو له رايو نه ١٠٦ رايو ته اړتيا لرله چې په دې توگه مولوي محمد قاسم ١٢٤ رايې او محمد عليم نسيمي د باور ١٠٩ رايې خپلې کړې .

د افغانستان د سترې محکمې عالي شورا ته ټول ټال نهه کسه قاضيان ورپيژندل شوي ول چې د دريو تنو په اړه يې د دوه گوني تابعيت خبره راپورته شوې او د قاضي القضات په گډون د دوو تنو نورو تعليمي اسناد بشپړ نه دي گڼل شوي .

په پام کې وه چې د دغو دواړو په اړه هم ولسي استازيو پريکړه کړې وه خو په غونډه کې د مکيلانو د کمې شميرې له امله دغه بحت راتلونکو غونډو ته وځنډيد .

په همدې حال کې د پنځو تنو رد شوپو وزيرانو نوم لړ هم ولسي جرگې ته نه دى رسيدلى او افغان حکومت به د هغو تر څنگ د سترې محکمې د عالي شورا لپاره هم نور غړي ولسي جرگې ته ورپيژني .