په افغانستان کې د ناتو د قواو نوى قومندان

اوس ددغو ځواکونو شمير ٩٠٠٠ زره دى چې تر نوومبر ه پورې به ٢١٠٠٠ زرو ته پورته شي .

د هيواد په سويل کې لا له وړاند ې د برتانيوي، دنمارکي او کاناډايي سرتيرو ځاى پر ځاى کيدل ، پيل شويدي او په پام کې ده چې د کال تر پايه ، ناتو د افغانستان په ختيځ کې د امريکي د ٨٠٠٠ زرو ځواکونو قومانده هم په لاس واخلي .

خو په داسي حال کې چې د امرېکې په زرگونو پوځيان به د القاعدې او طالبانو د ښکار عملياتو دوام ورکړي ، د ناتو ځواکونه به په ټول افغانستان کې د دولتي واک په ټينگولو او د بيارغوني په چارو کې له دولت سره مرسته او همکاري کوي .

خو آسانه نه دي چې د دواړو ځواکونو دندې سره جلا شي .

په افغانستان کې د ناتو ماموريت په داسې حال کې غزيږي چي د ياغيانو حملې زياتي شويدي چې له کبله يې داسي ښکاري چې دوى به له سختو ننگونو سره مخامخ شي .

په همدې حال کې د ناتو جگپوړي چارواکي وايي ، د تلفاتو تمه کيږي خو ټينگار کوي چې اجازه به ورنکړي چې دغه ماموريت له ناکامۍ سره مخامخ شي .