عبدالرووف کندهارى دبي بي سي په اوومه سټوډيو کې

داحمد شاه بابا ليسه ېې پاى ته ورسوله .په کندهار ، لشکرگاه ، هلمند اوکابل کې ېې کار اوژوند کړى د ى. اوس په هالند کې اوسيږي. درې لوڼې اودرې زامن ېې ورسره دي.

له اتو کلونو راهيسې دلته ژوند کوي. ډير عمر ېې دافغانستان دوسله وال پوځ په هنري انسامبل کې کار کاوه . دډگروالۍ تر پوځي رتبې پورې پکې ورسيد. تر دووسوو پورې سندرې به ېې دافغانستان په راډيو تلويزيون کې ثبت کړې وي.

نوموړي دخپلو سندرو دثبتولو په بدل کې هيڅ پيسې نه اخسيتې. شل ديرش کسټونه به ېې افغان موزيک هم ثبت کړي وي. د موسيقي په برخه کې استاد يې نبي گل و.

په ښوونڅي کې مې ترانې ويلې ، ښوونکو او زده کوونکو به راته ويل چې غږمې ډير ښکلي دى اوهمداسې پسې سندرغاړي شوم که څه هم مسلکي سندرغاړى نه يم عبدالرووف کندهارى

دڅه کم يوه ساعت په اوږدو کې ېې د نړى له مختلفو برخو نه داوريدونکو پوښتنې ځواب کړې. نورمعلومات به دنوموړي په مرکه کې وا ورى چې له اوومې سټوډيو نه په مستقيم ډول خپره شوه.

عبدالرووف کندهاري سره پوره مرکه ددې ځاى په کيکاږلو اوريدلى شى