حنان حبيب زى مزارشريف

	د اروپا د هيرويينو زياته برخه له افغانستانه سرچينه اخلي

دافغانستان د شمال او شمال ختيځو ولايتونو واليان او د امنيې قومندانان په مزار شريف كې د كورنيو چارو د وزارت له خوا په دې ژمن وبلل شول چې د نشيي توكو د كښتونو د اړولو سربيره د توليد او قاچاق په وړاندې به پريكنده ګامونه اخلي .

په دې غونډه كې د څيرمه اته ولايتونو واليانو او د امنيې قومندانانو برخه درلوده .
د بغلان والي قاري علم راسخ ، د سمنګان والي عبدالحق شفق ، د بلخ والي عطا محمد نور، د سر پل والي سيد اقبال منيب سر بيره د فارياب ، تخار او جوزجان ولايتونو د پوليسو مشرانو ګډون درلود .

د نشيي توكو په وړاندې د دولت له خوا د مبارزي د زياتو هلو ځلو سر ه سره لا هم په زرګونو جريبه ځمكو كې د كوكنارو كښتونه هماغسې ولاړ دي . جنرال داود

د افغانستان په كورنيو چارو وزارت كې د نشيي توكو په وړاندې د مبارزې مرستيال وزير جنرال محمد داود داود وويل چې د نشيي توكو په وړاندې د دولت له خوا د مبارزي د زياتو هلو ځلو سر ه سره لا هم په زرګونو جريبه ځمكو كې د كوكنارو كښتونه هماغسې ولاړ دي .

ده د شمال او شمال ختيځو ولايتونو دولتي چارواكو او واليانو ته په كلكه وويل چې د نشيي توكو په وړاندې دې خپلې منډې ترړې زياتې كړي .

د افغانستان په شمال كې چارواكي وايي چې د بدخشان ، بغلان ، بلخ او فارياب په ليرې پرتو سيمو كې تر هر ځاى زيات كوكنار كرل شوي دي .

چارواكي دا هغه سيمې بولي چې ددولت د امنيتي څانګو ولكه پرې كمه ده .
افغان پوليس وايي چې د بدخشان ولايت د كشم په ولسوالۍ او د بغلان ولايت د اندراب په ولسوالۍ كې دولتي چارواكي د كوكنارو د كښتونو د له منځه وړلو په برخه كې د كروندګرو له غبرګون سره مخامخ شوى دى .

دا ولايتونه له منځنۍ اسيا سره نژدې پوله لري او پوليس وايي چې د نشيي توكو قاچاق كونكي د منځنۍ اسيا بازارونو ته په ډيرې اسانۍ سره ددغو توكو پر ليږدولو بريالي كيږي .

واليانو وويل چې دوى د خپل وس تر بريده د كوكنارو د كښتونو د له منځه وړلو هڅې كړي دي خو پر نړيوالې ټولنې او افغان اړوندو چارواكو يې نيوكې وكړې چې د نشيي توكو په وړاندې د مبارزې لپاره يې د ملاتړ كړې ژمنې نه دي پلې كړي .

د بلخ والي عطا محمد نور وويل چې په ځينې ولايتونو كې چارواكي ان ددې وس نه لري چې د نشيي توكو د كښتونو د له منځه وړلو لپاره كرل شؤ سيمو ته ورشي .

خو ښاغلي داود چارواكو ته ډاډ وركړ چې دولت دداسې يوې تګلار ې پر جوړولو بوخت دى چې د كوكنارو د كښتونو د له منځه وړلو لګښت پرې كړي .

په ځينې ولايتونو كې چارواكي ان ددې وس نه لري چې د نشيي توكو د كښتونو د له منځه وړلو لپاره كرل شؤ سيمو ته ورشي . د بلخ والي عطا محمد نور

په دې غونډه كې د امريكا د متحدو ايالاتو او د برتانيا استازو هم ګډون درلود .

دوى ټينګار وكړ چې د نشيي توكو قاچاق كونكي چې په هر ځاى كې وي بايد پيدا او قانون ته وسپارل شي .
برتانيا په افغانستان كې د نشيي توكو په وړاندې د مبارزې مشري په غاړه لري .

دوى د سينليس د ټولنې پر هغو هلو ځلو نيوكې وكړې چې وايي د نشيي توكو توليد ته دې په افغانستان كې قانوني بڼه وركړل شي .

د افغان واليانو مهمه غوښتنه داده چې د كرنيز سيسټم بيا رغاونه دې ژر تر ژره وشي او دولت دې كروند ګرو ته هغه اسانتياوې برابرې كړي چې له مخې يې دوى د كوكنارو له كر كيلې څخه لاس واخلي .

افغانستان چې يو كرنيز هيواد دى نژدې اتيا په سلو كې وګړي يې د چارواكو په وينا د كر كيلې له لارې خپلې اقتصادي اړتياوې پوره كوي .

د افغانانو ددې پوړ زياتره كسان ادعا كوي چې ځكه يې د نشيي توكو پر كر لاس پورې كړى دى چې د دوديزې كركيلې توليد يې نه بازار لري او نه هم په هغه كچه توليد چې ددوى اړتياوې پوره كړي .
خو چارواكي وايي چې د نشيي توكو قاچاق كونكي او سوداګر دي كروندګر هڅوي چې په ځمكو كې يې ددوديزې كركيلې پر ځاى كوكنار وكري او په دې برخه كې مخكې له مخكې پانګه اچونه كوي