کمال سعادت له خوست څخه

	دغه چاودنه د ريموټ کنټرول په مټ وشوه چې خپل هدف يې ونه ويشت .

د خوست تر دغۀ بريده څو ساعتته وړاندې د هلمند په ولايت کې ظاهرآ د يوۀ ځانمرگي بريد له امله دوه تنه برتانوي سرتيري ټپيان شول .

د دغو دواړو بريدونو پړه پر القاعدې او طالب اورپکو اچول شوې ده .

د خوست د دوه مندې ولسوالۍ يوۀ لوړ پوړي چارواکي سيد احمد خان وفا بي بي سي ته وويل د دوى په ولايت کې چاودنه د يوۀ ريموټ کنټرول په مټ شوې ده .

دۀ وويل دغه بريد د خوست له ښاره ٤٠ کيلومتره ليرې د کابل خوست په لويه لاره وشو .

د چاودنې له امله د پوليسو گادى ١٥ متره ليرې وغورځيد او پر ځاى يې کنده جوړه شوه .

د هلمند په ولايت کې بيا بريد د هغۀ ولايت په مرکز لشکرگاه کې د يوې پوځي اډې په خولۀ کې وشو .

په افغانستان کې د برتانوي ځواکونو يوۀ وياند وويل په دغه بريد کې ټول درې سرتيري ټپيان شوي دي چې د يوۀ درملنه يې ځاى پر ځاى وشوه او پاتې دوه کسان يې روغتون ته وليږل شول .