پخواني امريکايي جنرالان وايي ښاغلى رمسفيلډ دې له کاره لاس په سر شي .

د ا د هغو کسانو له خوا بغاوت گڼل کيږي چې وايي ښاغلى رامسفيلد له بهر ه د عراق له جگړې سره چلند کوي .

شپږ و تقاعد شويو جنرلانو چې پخوا د دفاع وزارت جگپوړي کسان وو ، د عراق د جگړې په اړه خپلې انديښنې په ډاگه کړي دي .

په وروستيوکې تقاعد شوى جنرال ، جان ريگز په يوې مرکې وويل چې د دې وخت رارسيدلى چې ښاغلى رمسفيلد له دندې ليرې شي ځکه په وينا يې چې يو ناوړه حالت ېې رامينځته کړى دى .

خو جنرال کارليس سوننيک بيا تردې هم وړاندى تللى . هغه پوښته کړې چې آيا ښاغلى رمسفيلد مناسب سړى و چې په عراق کې د جگړې لارښوونه وکړي ا و زياته يې کړه چې له هرپلوه په عراق کې جگړه له ماتې سره مامخ شوې ده .

خو سپينه ماڼۍ تر اوسه پورې د ښاغلي رمسفيلد ملاتړ کوي او وياند مک لين وايي ښاغلى بوش په دې نظر دى چې ښاغلى رمسفيلد په ډيرو سختو شرايطو کې په سمه توگه خپلې دندې ترسره کوي .

کله چې له ښاغلي رمسفيلد څخه پوښتنه وشوه چې د استعفى غوښتنې به د هغه دندې اغيزمنې نه کړي ، هغه ځواب ورکړ چې نه .