راجکمار په ٢٠٠ هندي فلمونو کې کار کړى و او تر پنځو لسيدزو مينه والو وليد .

راجكمار چې په سويلي هند كې تر ټولو زيات مشهور فلمي ستورى و د زړه په ناروغۍ اخته او په بنګلور كې ومړ.

راجكمار په فلمونو كې د طلاى سړي رول لوبولى و. هغه دومره مينه وال درلودل چې حساب يې نه كېده . ځينې ځوانانو چې په هند كې ښې جامې واغوند ي نو نجونې ب په ټوكو كې ورته وايي چې د راجكمار په څير ښكلى ښكارې .

هغه په دې وروستيو كې له فلمونو لاس اخيستى و خو په سويلي هند كې تر ټولو محبوب شخصيت پاتې شوى دى.

د هغه مينه وال چې هغه به يې د انايار يا مشر ورور په توګه ياداو د غمرازۍ د ښكاره كولو لپاره د هغه په كور كې راتول شوي دي.

د بي بي سي خبريال حبيب بيري په بنګلور كې وايي چې د كمار له مړينې وروسته په سويلي ايالت كرناټاكا كې زياته ناكراري رامنځه شوې ده .

زمونږ خبريال وايي بنګلور چې د هند د تيكنالوجۍ يو ستر مركز بلل كيږي د هغه له مرګه وروسته نږدې تړل شوى دى.

هغه وايي چې د كاڼو د و يشتلو د زياتو پيښو راپور وركړل شوى دى خو پوليس وايي چې حالات د ولكې لاندې دي .

د خلاصو ن پيسې :

د راجكمار ځوى راګويندرا چې هم يو فلمي لوبغاړى دى وايي چې د هغه پلار په دې وروستيو كې د خپل مشر ورور د مړينې له امله د زيات فشار لاندې و.

نوموړى له خپل كور څخه چې د تاميل ناډو په ګنجانور سيمه كې پروت دى د ۲۰۰۰كال د جولايي په مياشت كې د يوي مشهوره او بدنامې داړه مارې ډلې ويراپن له خوا د خپلې كورنۍ له درې غړو سره تښتول شوى و.

د هغه تښتونې په ګاونډي ايالت كې چې د هغه ټاټوبى ګڼل كيږي سخت لاريونونه را وپارول چې په ترڅ كې يې لاريون كونكو د هغه سملاسي خلاصون غوښته.

راجكمار د سويلي هند په ځنګلونو كې د څو اونيو له تيرولو وروسته د ويراپن له منګلو وژغورل شو.

ځايي خبريالان وايي چې كه څه هم راجكمار له دې خبرې ا نكار كاوه خو د هغه د خوشي كېدو لپاره خلكو زياتې پيسې پرې كړې

ويراپن د تاميليانو يو خپل سرى اتل وه چې په ۲۰۰۴ كال كې د پوليسو له خو ووژل شو .