احمدي نژاد :ايران سوله ايزه اتومي تکنالوجې غواړي

تيره ورځ تهران اعلان وکړ چې بريالى شوى چې د اتومې سون موادو لپاره يورانيم بډاى ( غني ) کړي

خو د امريکا متحده ايالتونه او دهغې ملگري انديښمن دي چې کيداى شي ايران اتومي وسلې جوړوي

د روسيې د بهرنيو چارو وزارت له ايرانه وغوښتل چې د يورانيمو د بډاى کولو فعاليتونه بند کړي ځکه چې دا کار د اتومي انرژى د نړيوالې ادارې او د ملگرو ملتونو د امنيتي شورا د فيصلو سره تضاد لري

روسيه د ايران د اتومي پروگرام يوه مهمه ملاتړ کونکې وه او د ايران د اتومي پروگرام د لانجې د حلولو لپاره دپلوماتيکو خبرو اترو کې يې هم مهم رول لوبولى

خو دامهمه ده چې روسيه هم د امريکا د متحدو ايالتون په شان وايي چې ايران د يورانيمو په بډاى کولو سره په ناسمه لاره روان د ى

د سه شنبه په ورځ د ايران ولسمشر ، محمود احمدي نژاد ، اعلان وکړ چې ايران بريالى شوى چې د سون مواد و په خاطر يورانيم بډاى کړي

هغه استدلال وکړ چې ايران يواځې سوله ايزه اتومي تکنالوجې غواړي