دغه ماشومان وايي دوى هره ورځ دوه کيلومتره مزل کوي چې ښوونځي ته لاړ شي . د افغانستان د کندهار ، هلمند ، زابل ، خوست ،. پکتيکا ، کونړ او لغمان په ولايتونو کې طالب اورپکو پر ښوونځيو ، ښوونکو او زده کوونکو په دې وروستيو کې بريدونه کړي دي .

زما نوم احمد دى ، زۀ د دريم ټولگي زده کوونکى يم ، نن سبا مو د سبقونو خونده نشته ، ښه ښوونکي له ډاره نه راځي .

زما نوم نجيب الله دى زۀ د زابل ولايت د شيخ متي ښوونځي په شپږم ټولگي کې يم ، پخوانى ښوونځى مو په بريد کې ويجاړ شو اوس هره ورځ يو ساعت مزل کوم چې دې نوي ښوونځي ته راشم . زۀ غواړم چې ډاکټر شم

زۀ محمد اصف نوميږم د دويم ټولگي زده کوونکى يم . له ماينونو ډير ډاريږم زما ډير ملگري د ماينونو له امله ښوونځيو ته نه راځي

زما نوم محمد نصير دى د ارزگان په ولايت کې د ١١ ټولگي زده کوونکى يم . زموږ په سيمه کې پر ٧ ښوونځيو بريد شوى دى . ښوونکي له ډاره نه راځي طالبان نه غواړي چې موږ سبق ووايو .

زما نوم فرشته ده هر ځل چې ښوونځي ته ځم ډاريږم ، هره ورځ په بله لاره ښوونځي ته ځم . زما ډيرې خورلڼې اوس ښوونځي ته نه راځي . که لويه شم غواړم چې خبرياله شم .

زما نوم محمود دى د بريدونو له امله نور ښوونځي ته ځم له خپل پلار سره په دوکان کې کار کوم خو ډير کله ژاړم زۀ نه غواړم چې دوکاندار شم چې لوى شم غواړم پېلوټ شم