علي لاريجاني وويل که پر ايران بريد وشي نو بريد کونکى به چټک ځواب ترلاسه کړي

د ايران د اتومي چارو مشر مرکچې علي لاريجاني وويل ، که امريکا په جدي توگه دغه ډول پلان لرلى ، نو خپل دغه پلان به يي نه په ډاگه کاوه . هغه وويل د ايران ماتول يو آسانه کار ندى

ښاغلى لاري جاني چې د ايران له مهمو پوځي چارواکو څخه دى ، وايي د ايران پر ضد د پوځي عمل گواښونه ، د تهران پر ضد د امريکا يي رسنيو د رواني جگړې يوه برخه ده .

ده وويل که پر ايران بريد وشي نو بريد کونکى به چټک ځواب ترلاسه کړي .

په همدې حال کې ښاغلي لاري جاني واشنگتن ته گوا ښنه وکړه چې بايد له هغه څه څخه چې په عراق کې ېې پر سرتيرو پيښ شويدي ، زده کړه وکړي .

بل لورته د ايران د بهرنيو چارو وزارت وياند ، حامد رضا آصفي ، پر ايران د ممکنه بريد ريپوټونه ، د ده په خبره د امريکا د قهر او نا هيلى نښه وبلله .

خو د ايراني چارواکو له دغو څرگندونو سره سر ه، د ې ريپوټونو د ايران د عامو خلکو تر مينځ انديښني رامينځته کړيدي .

ځکه په تيرو کلونو کې ايرانيانو پخپل گاونډ کې ، له عراق سره د ايران د جگړې ناخوالي ليدلي دي او دوى سخته ويره لرى چې که د ايران اټومي لانجه په سوله ييزه توگه اواره نه شي ، نو ښايي يو وار بيا له دهماغسې برخليک سره مخامخ شي