 | | | د کراچۍ په گڼه گوڼه کې ډير ې ښځې او ماشومان ژوبل شوې دي |
د پاکستان د کراچۍ په ښار کې لږ تر لږه ٢٦ ښځې او ماشومان د مولود شريف په درشل کې په گڼه گوڼه کي تر پښو لاندي شوي او مړه شوي دي او څه باندي ٧٠ نورې ښځې ژوبل شوې دي. په کراچۍ کې د پوليسو يوه افسر وويل دا پيښه هله رامنځ ته شوه چې کله يوه نجلې د ودانۍ له زينو څخه راولويده. په دې ترڅ کې ځينوښځو د هغې سره د مرستې هڅه وکړه.
ددغې گڼه گوڼې په نتيجې کې ښځې او ماشومان تر پښو لاندي شول. افسر زياته کړه په زرگونوښځې او ماشومان د حضرت محمد ص د زيږيدلو د کاليزې د مراسمو د لمانځلو لپاره د فيضان مدينه په نوم مسجد کې راغوندې شوې وي. په کراچۍ کې د روغتونونو ډاکټران وايي چې دوى د لسگونو ښځو او ماشومانو چې بي سده دي درملنه کوي. وايي د ډيرو ناروغانو صحي وضع ډيره خرابه ده. ډاکټران د راډيو او تلويزيون له لارې له وگړو څخه د وينو د ورکولوغوښتنه کوي. .په څو کلنو کې په هيواد کې د ښځو په غونډه کې دا تر ټولو ناوړه پيښه ده. | 
غالب: د نشه يي توکو قاچاق کې چارواکي لاس لري
