د سټيفن ايونز رپوټ له لندنه

	د محمد بابر په نامۀ شاهد وويل دۀ د پاکستاني ولسمشر د وژلو نيت لارۀ .

دۀ د لندن په محکمې کې له وکيلانو سره وويل که همکاري يې نه واى کړې نو په پاکستان کې به د اعدام له سزا سره مخامخ شوي واى .

بابر وويل چې په ٢٠٠٢ کال کې دۀ د پرويز مشرف د وژلو په دوو دسيسو کې لاس درلود .

په لومړۍ پيښه کې له دۀ سره کلاشينکوفونه ، مهمات او لاسي بمونه وو .

په دويمه پېښه کې يوۀ بل کس دى ورسره گډ کړى و چې غوښتل يې يوه ډله جوړه کړي او د پاکستان ولسمشر پرويز مشرف ووژني .

دا ټول شواهد د اوو برتانوي کسانو په قضيه کې راڅرگند شوي دي چې په پاکستانۍ دسيسو کې يې لاس نه درلود خو ويل کيږي چې هغۀ هيواد کې يې روزنه شوئ وه .

په دوى د لندن د بمي بريدونو د دسيسى جوړولو تور دى .

د دغو اوو کسانو د مدافعې وکيلان وايي چې بابر د ځان د ژغورولو لپاره په محکمه کې دروغ وايي .