د ايټاليا لومړي وزير برلسکوني وويل هغۀ چا ته په پناه ورکولو خوښ دى چې مېړانه يې ښوولې ده .

د ايټاليا د حکومت له خوا دا اعلان په داسې وخت کې شوى دى چې په افغانستان کې د دغۀ کس پر قضيې نيوکې ډيري شوي دي .

د چارشنبې په ورځ ( د کب ٩ د مارچ ٢٩ ) د افغانستان ولسي جرگې يوه ځانگړې غونډه لرله چې پکې يې د عيسوي شوي افغان عبدالرحمان پر قضيې يې غور کاوۀ .

دوى وويل دغه ٤١ کلن کس بايد له هيواد څخه وتلو ته پرېنښوول شي .

ولسي جرگې د دوو ساعتونو په ځانگړې غونډې کې هغه پريکړه له قانون څخه سرغړونه وبلله چې عبدالرحمن يې د دوى په وينا محکمې پراېښى دى .

د ولسي جرگې ريس يونس قانوني د جرگه والو د بحث لنډيز ولوست چې پکې راغلي وو (( له افغانستان څخه د رحمان د وتلو مخنيوى بايد وشي . ))

په ايټاليا کې لومړي وزير سېلوو برلسکونې وويل دى خوښ دى داسې کس ته پناه ورکوي چې د دۀ په وينا يې ډيره مېړانه ښوولې ده .