اسراييلي ولسمشر دغه ټاکنې د خپل هيواد تر ټولو مهمې وبللې .

د دې انتخاباتو اعلان د لومړي وزير اريل شارون تر دماغي سکتې وړاندې شوى وو.

نوموړى له تېرې جنورۍ څخه په کوما کې دى. دده له خوا نوې جوړه شوې ډله کديمه په لومړي ځل ټاکنو کې برخه اخلي .

دې ټاکنو ته د لويديځې غاړې د راتلونکي په اړه د ټول پوښتنې په توگه کتل کيږي.

داسيمه په ١٩٦٠ کال کې د اسراييلو له خوا نيول شوې وه.

په سيالۍ کې شامل موقت لومړى وزير ايهود المرت غواړي دځينو سيمو له ساتلو سره د هيواد لپاره دايمي پولې وټاکي .

ښاغلى المرت له لومړنيو کسانو څخه وو چې خپله رايه يې وکاروله . ده اسراييليان وهڅول چې په رايو کې برخه واخلي .

ويره دا ده چې په انتخاباتو کې د رايې کارونکو فيصدي به کمه وي خو ځينو ځايونو کې بياهم اوږدې ليکې ليدل شوې دي.

ډيرو خلکو بي بي سي ته ويلي چې رايه ورکول د دوى مسوليت دى ځکه چې دا ټاکنې به د دوه ډله خلکو يعنې اسراييلو اوفلسطينيانو د راتلونکې په ټاکلو کې مرسته کوي