د مړو په بدن د شکنجو نښې ښکاريدې .

تر اوسه نه ده جوته شوې چې وژل شوي کسان به څوک وي خو خبريالان وايي ښايي دا هم د هغو توکميزو وژنو د لړۍ يوه برخه وي چې په سمارا کې د شيعيه گانو د جومات له ويجاړولو وروسته پيل شوي دي.

همدا راز په بغداد کې د يوې بلې پيښې په مهال د سړک له غاړې د يوۀ بم په چاودلو کې درې تنه چې يوه سرويس گاډي سره نژدي ولاړ وو وژل شوي دي

چاوديدونکي مواد په يوه غرفه کې چې ترافيک يې کاروي ځاى په ځاى شوي وه چې له کبله يې په غرفه کې ناست ټرافيک هم وژل شوى

بل پلو برتانيوى وگړى نارمن کيمبر چې په عراق کې په يرغمل نيول شوى وه او د پنجشنبې په ورځ ( د وري ٣ د مارچ ٢٣ ) د پوځي عملياتو په ترڅ کي خوشي شوى نن برتانيا ته راورسيد.

دغه ٧٤ کلن مسيحې فعال چې د سولې لپاره يې کار کاوه نژدې څلور مياشتې په عراق کې يرغمل و . ښاغلى کيمبر او دوه نور کانادايان د بر تانيا د ځانگړي ځواک له خوا د پوځي عملياتو په نتيجه کې ازاد شوى دى .

او څلورم تن ټام فاکس چې يو امريکايي وه دوه اوونۍ وړاندې يې مړى وموندل شو..
د جمعې په ورځ د برتانوي ځواکونو جنرال سر مايک فکس وويل دى خوابدى دى چې ښاغلي کيمبر له هغو بر تانوي عسکرو نه مننه نه ده کړې چې دى يې ژغورلى دى .

له کله نه چي کيمبر ازاد شوى په عامه محضر کې يې خبرې نه دي کړي خو د مسيحيانو د سولې ډله چي کيمبر ور پورې مربوط دى له برتانوي عسکرو نه يې د زړه له کومې مننه کړې ده