محمد قاضي زاده
له هرات څخه |  |
| | | دغه ايرانى پوځي د هرات او ايران ترمنځ په لويه لاره نيول شوى دى |
د افغانستان د هرات په ولايت کې چارواکي وايي د ايران د هوايي ځواک يو سرتيرى يې نيولى دى چې د دوى په وينا بې له قانوني اسنادو په افغانستان کې و . د افغانستان د لويديځ زون د سرحدي پوليسو عمومي مشر جنرال ايوب ساپي بي بي سي ته وويل چې دا لا معلومه نه ده چې دغه ايرانى پوځي د څه لپاره افغانستان ته اوښتى دى . جنرال ساپي زياته کړه چې د اوس لپاره پلټنې روانې دي . په هرات کې د ايران کونسل په دې باب له خبريالانو سره خبرو ته سم لاسي چمتو نه و . د ايراني پوځي نيول په داسې وخت کې کيږي چې په تيرو څو مياشتو کې لږ تر لږه ١٠ کسه نور ايرانيان هم په دغه ولايت کې د امنيتي چارواکو له خوا نيول شوي دي . په هرات کې چارواکي وايي دغه ايرانيان بې له قانوني اسنادو افغانستان ته ور اوښتي وو او نيت يې درلود چې له دې ځايه ايران ته مخدره توکي قاچاق کړي .
| 
غالب: د نشه يي توکو قاچاق کې چارواکي لاس لري
