 | | | د پاکستان د کورنيو چارو وزير افتاب احمد خان شيرپاو وايي ټول بهرني اورپکې ختموو . |
دپاکستان حکومت د هيواد د مذهلي حکومت مخالفو گوندونو له خوا هغه نيوکې رد کړې چې د شمالي وزيرستان په قبايلي سيمو کې يې د اسلام پالو اورپکو پر ضد د امنيتي ځواکونو د عملياتو په باب کړې وې . د کورنيو چارو وزير افتاب شيرپاو وويل امنيتي ځواکونه بوخت دي چې ټول بهرني اورپکې او د دوى ملاتړي ختم کړي دۀ وويل دغه کسان پاکستان او افغانستان ته گواښ پېښوي . ښاغلي شيرپاو د حکومت مخالفو دا دعوه هم رد کړه چې ويل يې په شمالي وزيرستان کې پوځي عمل د متحدو ايالاتو په غوښتنه ترسره کيږي دۀ وويل دواړه هيوادونه د ترهگرۍ په وړاندې جگړه کې همکاري کوي . په تيرو دوو اوونيو کې د شمالي وزيرستان د جگړو له امله تر ١٥٠ ډير کسان وژل شوي دي . ځايي خلک شکايت کوي چې ډير کله عادي کسان په دغو بريدونو کې وژل کيږي . | 
غالب: د نشه يي توکو قاچاق کې چارواکي لاس لري
