د الن جانسن رپوټ له غزې څخه

	د حماس ډلې غوښتل چې پراخ بنسټه او د ملي يو والي حکومت جوړ کړي خو په دې ونه توانېدله

د حماس ډلې غوښتل چې پراخ بنسټه او د ملي يو والي حکومت جوړ کړي خو په دې ونه توانېدله چې د خپلې سترې سيالې ډلې ( فتح ) ملاتړ ترلاسه کړي.

که څه هم تراوسه پورې نه ده معلومه چې د نوې کابينې په هغه لست کې چې ولسمشر ته وړاندې شوى دى څوک شامل دي خو څرگنده ده چې مهم وزارتونه به خپله د حماس له مشرانو سره وي.

که دا ډول حکومت جوړيږي نو دا به په فلسطيني سياست کې د يوې نوې او ناباوره دورې پيل وي.

حماس د اسراييلو له منلو انکار کوي ، ځکه دوى وايي دا کار به په فلسطيني سيمو باندې د اسراييلو د تسلط د منلو په مانا وي.

بل لوري ته ولسمشرعباس له اسراييلو سره د سولې تړون ته ژمن دى.

ښاغلى عباس اختيار لري چې د حکومت په اړه د حماس پلان رد کړي ، خو هيله دا ده چې هغه به کابينه تاييدوي اوشايد هيله ولري چې که حماس واک ته ورسيږي د اسراييلو په اړه به خپلې رويې کې بدلون راولي.

که داسې ونه کړي امکان شته دى چې نوى حکومت به د اروپاييانو او امريکاييانو اړين مالي ملاتړ له لاسه ورکړي